Halkalaýyn energiýa ulgamynyň gurluşygyna başlanyldy

Türkmenistanda halkalaýyn energiýa ulgamyny döretmek boýunça uly möçberli taslama durmuşa geçirilýär. Baş potratçy - «Türkmenenergogurluşyk» konserni Ahal-Balkan we Balkan-Daşoguz EGL-laryň demir-beton sütünlerini taýýarlamak boýunça işlere başlady. Şol bir wagtyň özünde «Serdar-220» elektirk kiçi bekediniň gurluşygyna girişildi.

Onuň birinji böleginiň uzynlygy 450 kilometr bolar. Mundan başga-da, halkalaýyn energiýa ulgamyň gurluşykçylary ýokary güýçli 500 kW tok geçirýän asma elektrik geçiriji liniýalaryň 560 kilometrini çekerler, ýokary güýçli 500/220/110 tok geçirýän kiçi beketlleriň ikisi we ýokary güýçli 220/110 kW tok geçirýän kiçi beketleri ikisi işe giriziler.

Konserniň hünärmenleriniň aýtmagyna görä, işleri çaltlandyrmak üçin ol birnäçe böleklere bölüner, olarda potratçynyň bölümleri şol bir wagtyň özünde ýokary woltly sütünleri oturtmaga we elektrik geçiriji liniýalary sazlamaga girişerler. Taslamada güýç berýän transformatorlary, togy öçürip-ýakyjylar, togy aýryjylary, rele goraglaryny we awtomatikany –ýewropa ölçeglerine laýyk taýýarlanan enjamlary oturtmak göz öňünde tutulýar. Çalik Enerji türk kompaniýasy ýokary woltly tok geçiriji liniýalar üçin telemehanika, kommunikasiýa we SCADA ulgamlaryny oturdar.

Aziýanyň ösüş bankynyň beren ýeňillikli karzynyň hasabyna gurluşygyň iş tabşyryjysy - «Türkmenenergo» Döwlet elektrik energetikasy korporasiýasy şertnama baglaşdy we ýokary woltly elektrik geçiriji liniýalaryň hem-de stansiýalaryň gurluşygy üçin zerur enjamlary, materiallary we awtotehnikalary satyn aldy.

Uly möçberli taslamanyň durmuşa geçirilmegi energia netijeliligini güýçlendirmäge we energiýa tygşytlaýyş wezipelerini çözmäge, ýurduň sebitleriniň durnukly durmuş-ykdysady ösüşine hem-de pudagyň eksport mümkinçiligini ösdürmäge gönükdirilendir.